I to je još jedna u nizu vijesti iz crne hronike ovih dana.Džip čiji je vlasnik Bogdan Ilić, poznatiji kao Baka Prase jutros je zapaljen ispred zgrade u Beogradu u kojoj stanuje ovaj influencer.Brabus vrijedan pola miliona evra je Gorio ispred zgrade, a Baka Prase se oprostio od njega uz snimak i riječi “RIP Brabus 2023-2025”.
Dok je živa glava, biće i džipova, a šta je to u našoj glavi?Koji dio našeg mozga će uvijek prije pročitati kako gori džip, nego kako gore svjećice na nečijoj rođendanskoj ili svadbenoj torti?Šta nas to tjera da se češće hranimo bolom, nego ljubavlju i ljepotom?Koja nas to strelica ubode kada nam prijatelji napokon saopšte da su kupili stan i da se neće više potucati po podstanarskim sobama?Kakav je to grom koji nam stvori grč u želucu kada nam prijateljica saopšti da će postati majka, a ne da je doživjela još jedan spontani pobačaj?Zašto se, da budem otvorena, često više radujemo tuđoj nesreći nego svojoj sreći?
Psihologija kaže da je to zato što je u ljudskoj prirodi da jače reaguje na prijetnju nego na harmoniju. Mozak je evolutivno podešen da primijeti opasnost, pa negativne vijesti automatski privlače više pažnje. Uz to, tuđa nesreća često budi osjećaj olakšanja i poređenja, dok tuđa sreća može probuditi zavist ili podsjetiti na vlastite nedostatke.
